A L’école

V’la au moins tois coups qu’Madame Houpéla, l’feume du maîte, apporte dé l’tizaine à s’n’homme, tellemint qui faut toudis qui crie après tous ses vaurins d’élèves. Il a s’goïette tout in inflammation, on dirot qu’on li a brûlé les amis d’galles avé un fier roûche.
  Ah les garnements, qui dit, le premier qui bouge, je le mets dehors … Hein ? Qu’est-ce que vous dîtes, Nénesse ?
  Mi, jé n’dis rin, c’est Monmond qui crie l’ainsi qui vourot bin qu’on l’mette à l’huche, pou faî l’école bûche.
  Monmond, vous me ferez cinq fois le verbe faire l’école buissonnière.
  J’vas t’avoir et’t’à l’heure, va, qui dit Monmond à Nénesse.
  Ainsi, c’est bin compris , n’est-ce pas, y fait l’maîte, les racines appelées pivotantes, s’enfoncent droit dans la terre … Nénesse, vous êtes un cancre, un mauvais sujet …
  C’n’est nin mi, monsieu l’maite, c’est Monmond qui met du gras froumage su m’tiête, in d’sant qu’c’est dé l’pommade.
  Vous savez tous que les racines pivotantes s’enfoncent dans … Qui est-ce qui a sifflé ? Tertousse. – C’n’est nin mi, Mossieu !
  Bin, erprind monsieu Houpéla, vous s’rez tous punis … Je disais donc que vous saviez que les racines appelées pivotantes s’enfonçaient droit dans la terre … Qui est ce qui va me donner un exemple d’arbre à racines pivotantes ? Comme dé jusse, personne n’s’erlève, mais l’vaurin d’Monmond, qui cachot à s’faî grâcie, claque ses doigts.
  Vous savez, qu’déminde l’maîte ?
  Ouais, Monsieu.
  Dites, mon ami.
  Les poteaux d’télégraphes ! qu’répond Monmond, t’aussi franc qu ‘eun tigneu. Poûve monsieu Houpéla ! …