Au percepteu

Au percepteu, vos savez bin cqu’c’est comme à confesse, on y va chacun à s’tour. Y sont donc là à eune démi-douzaine dé geins, qui rattindent leu tour pou passer au guichet éié dire eune parole à monsieu l’percepteu, qu’est toudis bin tourné quand on li apporte des liards. Eun monsieu dépose s’capiau montant su l’banc éié s’pourmène in ferdonnant intré ses dints : ti la ti… la la… la itou… Arrive eune ma mère grosse comme eune mauïe, qui s’laye quéie su l’banc in f’sant :
  Hoù ! qué j’sus mate. Mais elle a jusse fait hoù… su l’capiau montant, qu’a fait flouc… il est raplati comme eune figotte. Vos veyez dé d’ci l’figure du monsieu, qui d’sot, tout in ertournant l’pouve buse martyre :
  Y n’ia pas d’bon sins, allons !…
  Jé n’l’ai nin sintu, monsieu.
  Comment, vous ne l’avez pas senti ?
  Bé, non, j’sus tellemint inrhumée du cerveau.