Au trbunal

D’pis qué j’suis les tribunals éié les justices dé pets, j’peux bin dire qu’c’est l’preumie coup qué j’vois eune affaire comme c’t’elle-ci. Eh bin ! eh bin ! on z’l’arringe quéquefois bin, les médecins. C’est bin les ruses d’avoir fait tous ses études, d’ête docteur d’pis ses cauches jusdéqu’à l’doublure dé s’casquette, pou ête traité l’ainsi. Y n’ia là eun vieux arabe, qui n’prétind nin payie les visites qué l’médecin a fait pou s’feume ; bin au contraire, y réclame des doubes. L’PRÉSIDINT, Voyons, Losquiput, il s’agirait pourtant de s’entendre.

LOSQUIPUT, Mais, vos m’intindez bin, asseuré. M’feume avot l’fiève, éno, bon ; j’invouïe quer l’vétérinaire des geins, qué v’là-ci, pou li couper s’fiève ; au lieu d’çoula, y li donne l’jaunisse. y m’chenne qué, d’après toute les lois, jé n’dois rin du tout, bin au contraire. L’PRÉSIDINT, Comment ? comment ? qu’est ce que vous racontez là ? le médecin à donné la jaunisse à votre femme ?

LOSQUIPUT, Asseuré, çà, j’l’appelle pou couper l’fiève, y n’coupe

rin du tout. Est-ce qué vos s’rîtes contint, monsieu l’présidint mettez-vous à m’place, allons veyons…

L’PRÉSIDINT, C’est insensé ce que vous racontez là,

LOSQUIPUT, C’n’est nin tout, savez bin c’qui m’a pris ?

L’PRÉSIDINT, Le docteur vous as pris quelque chose ?

LOSQUIPUT, Ouais, y m’a pris pou ses visites, advinez ?

L’PRÉSIDINT, Çà c’est une affaire.

LOSQUIPUT, Non fait, non fait c’est toudis pou l’mainme affaire, j’l’appelle pou couper l’fiève à m’feume, y n’coupe rin du tout éié m’demende cint francs, pou ses visites… vos comperdez, cint francs.

L’PRÉSIDINT, Oui, oui je comprends.

LOSQUIPUT, Du resse, c’est simple à comprinde, jé l’faisapp’ler à no maison pou couper l’fiève…

L’PRÉSIDINT, … A votr e femme, c’est entendu… LOSQUIPUT, Eié ‘qui d’pus fourt, c’est qu’quand il est v’nu à no maison pou couper l’fiève à m’feume, il a ravisé dins s’goïette avé eune pétite cuillère d’argint … on n’l’a pu jamais ertrouvée.