Bribes locales

Nos éfants Monmond, in s’lévant, avant-z’hier au matin, a fait les cint coups. Tout l’matinée, il a fait l’diabe, jamais d’la vie. In d’junant, s’popa li dit : J’connais eun p’tit fieu qui n’a nin été sage, au matin. Monmond n’répond nin. Ouais, qu’erprind l’père, éié tu l’connais étout : m’diros-tu bin qui c’est ? Mais Monmond répond in s’erderchant : Tu sais bin qu’les éfants n’ont nin l’doit d’parler à tabe ! Au théatre Eun saudart étot dallé à eune erprésintation, mais su l’coup d’onze heures, comme il étot un pau scran, y s’indourt. Y dormot d’pis eune heure quand, tout d’eun coup, y s’réville, jusse au momint qu’eune actrice s’met à dire : Ciel ! je suis ici depuis trois jours. L’saudart erbonque d’ssus s’banc come s’il avot ieu eun ersort, in d’sant : Eh bin, milliard dé noms dé hu ! mé v’là prope, mi qui n’avot foque eun joû d’ermission BRIBEUX 1900. A L’école L’maître. _ Quelles précautions prenez-vous contre l’eau saturée de microbes ? L’élève. _ Primo, jé l’fais bouillir ; deusio, jé l’filtre… L’maître. _ Et troisio ? L’élève. _ Troisio, j’bois dé l’bière In famille On vourot monter l’coup, comme on dit, au p’tit Totor, mais l’gamin est fûté comme eun fichau éié y n’sé laye nin faî l’ainsi. Oh ! qu’elle dit s’mère, in v’la eun qui n’s’ra nin hésile d’tromper ! l’efant, tout innocemmint : Jé n’sus nin arrivé comme m’père, dé, mi BRIBEUX 1903. Justin est rintré comme domestique à l’maison des Burdépot. Dimanche, eune madame, qui v’not dire eun p’tit bonjou, est tout étonnée d’vire eun feu à rôti eun bœuf éié les ferniêtes ouvertes. Pouqué qu’vos faites çoulà, Justin, dit l’madame ? J’vas vos dire, c’est un nouviau moïen qu’j’ai trové, pou continter Monsieu, qu’a toudis trop caud, éié Madame, qu’a toudis trop froid. BIÉTAPINTE, qu’est souvint fourt distrait, va chez s’tailleur, l’sémaine passée, prindre mésure pou faî un habillemint à s’gamin. Aïus c’qu’il est, vo gamin, d’mande l’tailleur ? Ah ! vingt noms dé quisses ! j’l’ai roublié, disti Biétapinte. Eun bon p’tit cœur. Commint, disti Létronsec à Cadunez, tu dis qué t’feume est prête à mori éié tu vas acater du champagne ? Oh ! c’n’est nin pou elle, c’est pour mi, disti l’aute. VERMOUTESEC s’arrête hier à midi d’vant eune affiche-erclame, aïus qu’il est récrit qu’l’arcool « est eun aliment ». Tiens, ravise çà, disti in li-mainme, in caressant s’n’estomac ; sans m’in douter, j’ai rudemint bin d’juné au matin. BRIBEUX 1900. Nénesse éié Justin sortent du tribunal, aïus qué Nénesse vient d’attraper vingt-cinque francs d’aminde, pou s’avoir battu. Nénesse dit à Justin : Vingt-cinque francs ! c’est d’jà eune saqué pou eun simpe coup d’tiête qué j’li ai donné . Eié Justin d’réponde : Acoute, fieu, les coups d’tiête on les païe toudis chers ; ravize, mi, c’est d’eun simpe coup d’tiête qué j’m’ai marié. ********** J’étos à Ostende, eun dimanche d’aoûte, pou vire l’mer. Eune feume élorme, dont l’costume n’maintenot qu’à grand’peine les formes débordantes, questionne eun maîte nageu su l’galet : Est c’qué l’mer va bintôt r’monter, camarade ? T’aussi rade qué vos s’rez dins l’iau, çà, madame, disti l’aute. Bribeux 1901. L’sémaine passée, l’gros Tatave s’pourménot avé eun pardessus à fourrures. Y rinconte l’grand Lichamort, qui li dit in riant : Tiens, tiens, jé n’savos nin qu’on inl’vot l’piau à certaines biêtes pou in ercouvrî l’z’autes. On n’les a nin dépouillies tertoutes, qu’a répondu Tatave, pisqué t’as co l’tienne. ********** Dernière’mint, j’rindot visite à eun d’mes camarades, qu’étot in train d’deiner. Rinte l’mesquenne, eune bonne grosse coumère nouvellemint arrivée dé s’pays, qui met su l’tabe eun plat d’haricots, tout qu’est c’qui n’iavot d’biau, in disant : Monsieu, v’là les musiciens. M’camarade, fourt vexé d’eun sans gêne parel, li répond : Merci, j’n’in mingerai nin, vos povez inl’ver l’orchesse. Bribeux 1901.