C’qui n’faut nin fait

Printe les vessies qui sont pindues à l’boucherie pou des lanternes. Water l’tarte pou eun œuf ; au contraire, mettez-in deux d’pus éié invitez-mé à l’mingie. Crachie in l’air ; pasqué çà pourrot quéquefois r’quéie dins l’bouche d’eun vizin qui l’arot grande ouvrie, pinsant qu’les aloettes vont li quéie toutes rôties d’dins. Compter six semaines pou eun mois ; surtout quand c’est pou r’cévoir vos appointetemints. Tuer tout c’qu’est gras ; pasqu’y n’démeurerot foque des erséquis dins l’monde, c’qui erchennerot à eune élorme cartelle dé sorets. Prinde l’poude d’escampette au momint d’payie, quand vos avez invité vos camarades à boire eune canette. Faire du …vint in société éié accuser l’tien dé l’maison, pou fai coire qu’c’est li.