L’potiche

In qu’min d’fier comme partout aïeurs, y faut s’attinde à souvint rinconter des drôles dé cousses. Vos stez toudis à l’veille d’vos trouver nez à nez avé d’zotis qui font alé leu langue à tort éié à travers, éié c’n’est nin toudis fourt régalant. Infin, pou mieux dire, y n’d’ia d’tous les sortes, In v’là-ci eun, s’n’espécialité, c’est d’tirer des p’tits compiumints. Y stot dins l’train v’là qui voit s’placer, in face dé li, eun gros monsieu, avé eun nez comme eun p’tit potiron ; j’suis seur qué si on l’avot mis su eune balance, y d’iavot pus d’eune demi-live. Comme dé jusse, sitôt l’train in route, là l’faiseu d’complumints qui fait aller s’langue, y n’sarot nin autrémit. Arrivé intré Haumont éié Aulnoye, y tire s’boite à prises éié in baille eune gros monsieu, qui li répond :
Non merci, mossieu, je ne prise pas.
C’est dammage, répond l’faiseu d’complumints, in ravisant l’nez du gros monsieu, vos avez là une si belle potiche !