L’tour du monde

Madame Potiron s’pourmène à l’ducasse dé Monbeuge. Su s’passage, tout l’monde s’ertourne pou l’ravizer. C’est qué Madame Potiron pourrot fin bin aller dins eune baraque éié s’moutrer comme phulomène, savez ! Elle pèse dins les deux cint-vingt kulos, on dirot eune gardé robe d’lancien timps, qui s’a insauvé dé s’fourni. Eié les geins s’exclament : <> Infin, eun tas d’carabistouyes du mainme ginre, qué. Ah ! v’là Madame Potiron qui ravize l’zétalages dins l’rue d’Mons. L’trottoir n’est nin large assez pou contenir eune parelle masse. Les geins sont obligés d’déquinde, putôt qué d’risquie dé s’fai escouater contre les vitrines des magasins Infin, elle s’arrête pou ravizer eune saqué qui s’treuve sur eune tablette in verre. Pou mieux vire, elle sé courbe eune miette éié eun monsieu, qui passot conte l’bordure du trottoir, ercévant eun coup dé l’partie l’pus charnue d’Madame Potiron, va virler les quatre fiers in l’air, au mitant du pavé. L’autre ramasse s’viande éié s’in va in d’sant : <> Il avot pris Madame Potiron pou eun énéphant. In pau pus long, eun gamin, tout saisi d’vire eun parel mastodonte, s’met à ravizer Madame Potiron éié tourne tout à l’intour dé l’coumère. Agacée, Madame Potiron li dit : <>