Une gaffe

Vistoumaque est eun fourt bon fieu ;

malheureusemint, y fais quéquefois des gaffes co pus grosses qué li. Ainsi, à l’société dont y fait partie, on donne tous l’z’ans eun concert à les mimbes honoraires. Vistoumaque, qu’a eun tupet d’diabe, est toudis désigné, soit pou d’aller conduire l’canteuse su l’scène, soit pou donner eun bouquet à l’coumère qui fait partie du programme. Dimanche passé, on donnot l’concert annuel d’tous l’z’ans, comme y dit li-mainme, éié il étot chargé dé l’canteuse comme d’habitude. C’t’elle-ci roucoulot, ma fie, comme eun vrai rossignol. Oh ! qu’elle cantot bin. Eun vizin dit à Vistoumaque, à s’n’orelle :
  Elle a eun bin biau timpe des voix. Vos comperdez qu’çà n’étot nin quéïu dins l’orelle d’eun sourd, éno. Vistoumaque s’in va r’quer l’canteuse, l’ramainne éié, ravizant tout autour dé li pou jugie d’l’effet qué s’complumint d’allot produire, y dit à l’coumère :
  Mam’zelle, tous mes complumints, vos stez jolimint timbrée !